Imlo.uz loyihasi haqida

Imlo.uz — bu o‘zbek tilining imlo lug‘atidir. Sayt o‘zbek tilidagi so‘zlardan tarkib topgan. Saytimizda hozirgi zamon yoshlari hayotiga daxldor ommabop so‘zlar, ko‘p marotaba va qayta-qayta xato bilan yoziladigan so‘zlar jamlashtirilgan. Mana shu so‘zlar asosida yaratilgan imlo lug‘ati sayti, 87 000 dan ortiq so‘zni o‘z ichiga olgan.

Biron-bir matnni grammatik jihatdan «benuqson» yozishni istasangiz, Imlo.uz dan foydalaning. Shuningdek, ko‘p so‘zlarda uchraydigan va aynan tez-tez xatolarga yo‘l qo‘yiladigan ayirish belgisi, yo-yo, p-b, t-d, yonma-yon kelgan undoshlar biri talaffuzda aytilmasa ham yozuvda ikkita bir xil undosh yozilishi kabi chalkashliklarni xatosiz shakli Imlo.uz saytidan o‘rin olgan.

Imlo.uz saytining afzalliklar:

• Imlo qoidalari asosida ishlab chiqilgan.
• Savodxonlikni oshiradi.
• Matnlarni xatosiz yozishga yordam beradi.

Shu bilan bir qatorda foydalanuvchilar yangi so‘zlarni Imlo.uz saytiga jo‘natib, o‘zlarining beg‘araz hissalarini qo‘shgan bo‘ladilar. Internet foydalanuvchilar tomonidan yuborilgan so‘zlar o‘rganib chiqilib, saytga qo‘shib boriladi.

Ayniqsa, blogerlar uchun Imlo.uz chin ma’noda ko‘makchidir. Internet tarmoqlarida o‘z kanallariga ega bo‘lgan har qanday blogerlar imlo qoidalariga asosan matnlarni bexato qilib, ijtimoiy tarmoqlarda joylashtirsalar, ularning muxlislarining soni ham tobora ortib boraveradi.

Saytimizda qandaydir xatoliklar uchrasa, fikr-mulohazalaringizni jo‘natishingiz mumkin. Biz ularni bartaraf etib, ommaga savodxonlikni keng miqyosida yoyilishi uchun xizmat qilgan bo‘lamiz.