Цц — она тилимизга хуш келибсан!

Деярли барчамиз лотин алифбосидаги матнни қийналмай ўқий оламиз. Ёзишга келганда эса… Хатосиз ёзамиз деймизу, айрим ҳолларда бир-иккита имло хатоларга йўл қўямиз. Бундай ҳолат айниқса, рус тилидан ўзлашган Цц ҳарфи қай вақтда қандай ёзилиши кераклигини билмаганимиз сабабли келиб чиқади. Келинг, қуйидаги маълумотларни ўқиб, ўрганган ҳолда саводимизни оширамиз.

Лотин алифбосида Цц ҳарфи «s» ёки «ts» кўринишда ифодаланади. Аввал қайси ҳолларда «s» ёзилишини ўрганайлик.

  • Сўз бошида келса: sirk, sement, sentner каби;
  • Сўз ўртасида ундош товушдан кейин; kostruksiya, direksiya, induksiya, deduksiya, aksent, ssenariy каби;
  • Сўз охирида abzas, shpris, kvars каби;
  • Олд қўшимчадан кейин: telesentr, antisiklon, episentr ва бошқалар;
  • Сўз бошида а ҳарфи мустақил бўғин бўлиб келганда: aseton, asetilin, asetat, каби.

Энди Цц ҳарфи қайси сўзларнинг орасида «ts» ёзилишини кўриб чиқайлик.

  • Сўз ўртасида икки унли товуш ўртасида «ts» ёзилади: assimilatsiya, dissimilatsiya, kalkulatsiya, Sitseron, assotsiatsiya ва бошқалар.

Келтирилиб ўтилган имло қоидаларни қайта-қайта ўқиб, бир неча маротаба гаплар тузган ҳолда машқ қилсак, ҳар қандай мана-ман деган саводли инсонни ҳам йўлда қолдиришимиз турган гап.